كل ماتروح فى حتة تلاقى تحليل SWOT عايز تعمل خطة لنفسك..عايز تعمل خطة لشركتك..عايز تعمل تقييم لشركتك هيقولك اعمل تحليل SWOT ..عشان كدة احنا انهاردة هنقولك يعنى ايه؟
يعنى ايه SWOT analysis؟
هو تحليل إستراتيجي ظهر نتيجة أبحاث من سنة 1960 لـ 1970 .. والتحليل دة ممكن يتم استخدامه على شخص عادى او خدمة او منتج SWOT
والحروف الأربعة هما إختصار لأربع عناصر اللى بيشملهم التحليل1. ودى بتعدد فيها نقاط القوة بتاعتك واللى بتكون متميز فيهاS-strength
2. وهنا العكس..بتشوف نقاط الضعف اللى عندك اللى محتاج تركز عليها وتصلحها W.weakness
3. فى النقطة دى بتشوف الفرص اللى ادامك عشان تطورك لو استغليتها واشتغلت عليها كويسO. Opportunities
4. المخاطر اللى بتقابلك وعملالك عالطول مشاكل ولازم تنهيها عشان ماتخلصش عليك!! T .Threats
بنستخدم تحليل SWOT فى ايه؟-لو عايز تعمل خطة استراتيجية للبيزنس بتاعك او شغلك لازم تكون عارف ايه نقاط القوة والضعف بتوعك وكمان الفرص اللى قدام شركتك والمخاطر اللى بتقابلها فى السوق.
-لو بتعمل خطة لنفسك كشخص وعايز ترتب أولوياتك وتحط لنفسك أهداف..لازم تبقى عارف ايه الحاجات اللى انت شاطر فيها وايه الحاجات اللى محتاج تتعلمها؟ -طب ايه الفرص اللى لو استغليتها ممكن تحقق هدفك وايه المشاكل اللى ممكن تمنعك من دة؟
أحسن حاجة عشان تعمل تحليل SWOT انك تجيب اربع ورقات فاضيين خالص..وكل ورقة من دول هتكتب عليها عنوان من الاربع..وتبدأ تسرد كل حاجة بالتفاصيل
هيبدأ يظهرلك حاجات كتير مكونتش واخد بالك منها قبل كدة..مميزات فيك مكونتش شايفها قبل كدة ومشاكل مكونتش واخد بالك منها.. الصورة كلها بتوضح أدامك وبيبقى عندك تخيل واضح لوصولك لأهدافك أو اهدافك مؤسستك
